Marlo muling mananakot

MA at PA
ni Rommel Placente

MAY horror film na nagawa ang singer-actor na si Marlo Mortel mula sa AQ Prime na Huling Lamay. Mula ito sa direksiyon ni  Joven Tan.

Happy si Marlo na nakagawa siya ulit ng isang horror film. Katwiran niya, “I love horror movies.”

Ang unang movie na nagawa ni Marlo ay isang horror, ‘yung Haunted Mansion, na pinagtambalan nila ng dati niyang ka-loveteam na si Janella Salvador.

May balitang hiwalay na si Janella at ang live-in partner nitong si Markus Paterson. Pero hindi pala aware rito si Marlo. Hindi pa kasi sila nakakapag-usap ulit ni Janella.

“I don’t know kung saan sila okay. Kung ganoon ang kahihinatnan ng relationship nila, I mean, gusto ko munang ma-confirm at saka na ako magre-react.

“Basta ako, I’m happy for the both of them, kahit couple or individual.”

Samantala, ang Huling Lamay ay pampito na sa pelikulang pinagsamahan nina Marlo at Direk Joven. At basta si Direk Joven ang nag-offer kay Marlo ay umo-oo agad siya.

“Direk Joven ‘yun, eh. Never naman akong tumanggi kay Direk Joven, at saka excited din akong gumawa ng horror at mag-acting ulit. First acting ko ito during pandemic.”

Sa tingin ni Marlo, sa panahon ng pandemic, nakapag-adjust ang mga tao na ang pelikula ay napapanood na sa online at hindi na lang sa mga movie theater.

“Feeling ko naman, nag-adjust na ang mga tao sa two years na nag-pandemic na walang sine. Puro lang tayo mga Netflix.

“I think, mas sanay na nga sila. Sad to say, pero mas naging used na ang mga tao sa bahay lang.

“Pero I’m happy na unti-unti, going back to normal na rin ang mga pelikula, nakakanood na rin sa mga sinehan.

“Nanood kami ni Sir Martin Nievera ng pelikula sa States, ang ‘Doctor Strange,’l sabi pa niya.