Gwendolyne Fourniol itinanghal na Miss World Philippines 2022

KINORONAHANG Miss World Philippines 2022 si Gwendolyne Fourniol ng Negros Occidental sa katatapos na grand coronation night ng pageant sa Mall of Asia Arena sa Pasay City.

Tinalo ni Gwendolyne ang 35 iba pang kandidata mula sa iba’t ibang bahagi ng bansa. Si Gwendolyne ang papalit sa trono ni Tracy Maureen Perez na magiging official representative ng Pilipinas sa gaganaping 71st edition ng Miss World pageant.

Ang iba pang kinoronahan sa Miss World Philippines 2022 pageant ay sina Miss Supranational Philippines 2022Alison Black ng Las Piñas City; Miss Eco Philippines 2022 Ashley Montenegro ng Parañaque; Miss Reina Hispanoamericana Filipinas Ingid Santamaria ng Makati; at Miss Eco Teen Philippines Beatriz Mclelland ng Aklan.

Miss World Tourism 2022 (1st Princess) naman si Justine Felizarta ng Marikina at Miss World Philippines Charity 2022 (2nd Princess) si Cassandra Chan ng San Juan City.