HATAW! D'yaryo ng Bayan hatawtabloid.com
PABONGGAHAN
ni Glen P. Sibonga
OVERWHELMED at emotional si Arthur Cruzada sa tagumpay ng press launch ng inilunsad niyang ARTalent Management kasabay ng contract signing ng kanyang artists na ginanap noong May 27 sa Marah Hotel and Resort sa Alfonso, Cavite.
Kabilang sa hinahawakan niyang artists ang Millennial Pop Prince na si Yohan Castro, ang gwapo at magaling na singer na si Nic Galano, ang theater actor-singer na si Dene Gomez, at ang bandang 3nity na binubuo nina Kevin Saribon, Gennyvi Laxamana, at Rodrigo Alvarez Jr.
“Sobrang overwhelmed ako, iba ‘yung pakiramdam na biglaan ‘yung pagkabuo ng ARTalent Management. Pero sabi ko nga, ‘yung saya nito hindi mapapantayan. Sobra ‘yung kaligayahan ko na dumating sa akin itong mga bagong angels ko, itong mga artist ko na very talented at mababait. Kumbaga itong mga angel na ito I’m pretty sure na magbibigay sa atin ng magandang bukas,” sabi ni Arthur.
Kaya naman nangangako si Arthur na aalagaang mabuti ang kanyang mga talent at hands on siyang ibibigay lahat ng suporta at tulong sa mga ito sa abot ng kanyang makakaya.
Nakabibilib din ang polisiya ni Art sa pagbibigay ng talent fee sa kanyang artists na 75% mula sa kabuuang kita at 20% lang ang kanyang kukuning cut bilang manager. Ang natitirang 5% ay ibibigay nila sa chosen charity ng kanyang artists.
Kaya naman labis din ang pasasalamat nina Yohan, Nic, Dene, at 3nity band sa pagkakaroon ng isang manager na tulad ni Sir Art.
Nagpapasalamat din kaming mga press kay Art na naimbitahan kami sa event na itinaon din sa kanyang birthday. Salamat din sa buong staff at lahat ng artists ng ARTalent Management. Thank you sa magandang accomodations at services ng tinuluyan naming Marah Hotel and Resort sa 656 Brgy. Marahan 1, Alfonso, Cavite. Thank you rin sa pampering and relaxation na ibinigay sa amin ng Queen Eva Salon & SPA. Siyempre salamat kay Pilar Mateoat sa lahat ng nakasama naming media friends.
