Itinumba ng riding-in-tandem <br> BARANGAY CHAIRMAN, PINAGBABARIL

PATAY ang isang barangay chairman na pinagbaril habang ginagamot sa isang pagamutan, ng isa sa dalawang hindi kilalang mga suspek sa Malabon City, kahapon ng umaga.

Sa ulat, dakong 4:30 pm nang malagutan ng hininga habang ginagamot sa Manila Central Uniuversity (MCU) hospital ang biktimang kinilalang si Felimon Villanueva, 68 anyos, barangay chairman ng Tonsuya, sanhi ng mga tama ng bala sa tiyan at kaliwang bahagi ng katawan.

Nabatid sa imbestigasyon nina Malabon City police investigators P/SSgt. Michael Oben at P/Cpl. Renz Baniqued dakong  9:35 am nitong Sabado nang maganap ang insidente sa harap ng bahay ng biktima sa C. Perez St., Brgy Tonsuya, ng nasabing lungsod.

Nabatid, kasalukuyang nakaupo ang biktima sa harap ng kanilang bahay nang biglang lapitan ng isa sa mga suspek na armado ng hindi mabatid na kalibre ng baril at ilang beses pinaputukan sa katawan.

Matapos ang insidente, mabilis na tumakas ang gunman sakay ng isang Honda Click motorcycle na minaneho ng kanyang kasabwat patungong E. Roque St., Brgy. Tonsuya, habang isinugod ang biktima sa nasabing ospital ng ilang residente sa lugar.

Ipinag-utos ni Malabon City police chief, Col. Albert Barot sa kanyang mga tauhan ang follow-up operation para sa posibleng pagkakakilanlan at pagkakaaresto sa mga suspek habang inaalam ang tunay na motibo sa pamamaril sa biktima.

May hinala ang mga nakakikilala sa biktima na politika ang motibo ng pamamaril at pagpaslang. (ROMMEL SALES)