HATAW! D'yaryo ng Bayan hatawtabloid.com
PABONGGAHAN
ni Glen P. Sibonga
TUWANG-TUWA si Yassi Pressman na pumayag ang kaibigan niyang si Nadine Lustre para maging guest at player sa hinohost niyang gameshow sa TV5, ang Rolling In It Philippines, na magbabalik telebisyon na para sa second season sa Sabado, May 28.
Inamin ni Yassi na marami siyang celebrities na hiniling para maglaro sa Rolling In It Philippines at kasama na nga roon si Nadine.
“Marami po akong winish actually na nagkatotoo. Unang-una, we’re launching this season with Nadine, who hasn’t been on TV for four or five years. So, nagulat ako na pumayag siya. We will be having Zeinab (Harake) soon. We have sina Diego Loyzaga, Marco Gumabao. We have a lot of big gamers and TikTok superstars. Pero hindi ko na po i-spoil lahat para mayroon po kayong aabangan. But it’s really been nice to have them on the show,” sabi ni Yassi sa mediacon.
Nagsimula ang magandang samahan at pagkakaibigan nina Yassi at Nadine nang magkasama sila sa pelikulang Diary Ng Panget noong 2014. At ngayon nga ay hindi lang sila basta magkaibigan kundi mag-partners in promoting mental health awareness.
Bukod kay Nadine, mapapanood din sa pilot episode ng season 2 ng Rolling In It Philippines sina Chad Kinis at Jerald Napoles. Maliban sa showbiz stars, mapapanood din sa brand new season ang mga sport personality, comedians, at iba pa.
Tulad ng nakaraang season, ang mga regular contestant ay magkakaroon ng pagkakataong maglaro kasama ang kani-kanilang celebrity partners na masusubukan ang kanilang teamwork, diskarte at suwerte sa pagkolekta ng points para maiuwi ang P2-M. Sa pamamagitan ng paggulong ng Power Coin sa slots ng giant arcade, maaaring pumili ang players ng PLAY para masiguro ang panalo, o PASS para maibigay ang tanong sa susunod na team na lalahok.
Ang unang season ng Rolling In It Philippines ay nag-premiere noong June 2021, na nakita ng mga viewer ang offscreen at playful side ng mga celebrity at multifaceted talents na nagpasaya sa bawat Sabado ng mga pamilyang Filipino.
Pagulungin muli ang suwerte kasama ang Rolling In It Philippines Season 2, ngayong May 28 na, 7:30 p.m. sa TV5. Mapapanood ang catch-up episodes sa Cignal TV CH. 3 at SatLite CH. 30. Maaari ring mag download ng Cignal Play App para mapanood ito Live at On-demand para sa Android at iOS users.
