HATAW! D'yaryo ng Bayan hatawtabloid.com
Binawian ng buhay ang asawa ng isang hukom ng Regional Trial Court sa bayan ng Ilagan, lalawigan ng Isabela, nang barilin ng mga suspek na magkaangkas sa motorsiklo nitong Miyerkoles, 25 Mayo.
Kinilala ang biktimang si Agnes Cabauatan-Palce, asawa ni Judge Ariel Palce ng Ilagan Regional Trial Court Branch 40, at internal audit manager ng Isabela Electric Cooperative 2 (ISELCO 2).
Nabatid na sakay si Agnes ng van pauwi ng kanilang bahay nang sabayan ito ng isang motorsiklo.
Malapitang binaril ng nakaangkas sa motorsiklo ang biktima na tinamaan sa kanyang kanang panga.
Dinala ang biktima sa pinakamalapit na pagamutan ngunit idineklarang dead on arrival.
Agad tumakas ang mga suspek sa hindi matukoy na direksiyon.
Patuloy ang imbestigasyon ng pulisya sa insidente upang matukoy motibo sa likod nito at pagkakakilanlan ng mga suspek.
