Sa Tuao, Cagayan
BARANGAY CHAIR TODAS SA TANDEM

PATAY ang isang barangay chairman na sakay ng kanyang motorsiklo nang barilin ng hindi kilalang mga suspek nitong Martes ng umaga, 24 Mayo, sa Brgy. Bicol, bayan ng Tuao, lalawigan ng Cagayan.

Kinilala ng Cagayan PPO ang napaslang na biktimang si Dante Blanza, 61 anyos, barangay chairman ng Sto. Tomas, sa nabanggit na bayan, habang ligtas ang kaniyang angkas na si Eduardo Montorio, 61 anyos, kagawad ng parehong barangay.

Ayon sa mga nag-iimbestigang pulis, sakay ng motor si Blanza at kanyang kagawad, patungo sa Department of Agriculture office ng Tuao west.

Nang dumating sa Brgy. Bicok, nag-overtake sa kanila ang dalawang hindi kilalalang gunman na sakay ng motorsiklo saka sila pinaptukan ng baril.

Tinamaan si Blanza sa dibdib na nadala pa sa St. Paul Hospital ngunit idineklarang dead on arrival.

Patuloy ang isinasagawang dragnet operation para sa pagkakadakip ng mga suspek.