Marites segment ng LOL nakaaaliw

MA at PA
ni Rommel Placente

NAG-ENJOY kami ng kaibigan at kasama sa panulat na si Melba Llanera sa guesting namin sa Maritest segment ng Lunch Out Loud (LOL)ng TV5 na napapanood ng tanghali mula Lunes hanggang Biyernes 

Si Aubrey Miles ang celebriry contestant that time at kami ni Melba ay kasama sa grupo ng Hanash ni Manash. 

Nakatutuwa ang segment na ito na parang Who Wants To Be A Millionaire? Ang question ay about showbiz at kapag hindi alam ng celebrity contestant ang sagot ay sa amin siya hihingi ng tulong.

Pero hanga kami kay Aubrey dahil halos alam niya lahat ang sagot. Hindi na nga lang niya itinuloy ang ibang katanungan baka kasi hindi niya na masagot at lilipad ang perang napanalunan niya na P30k. 

Hindi na siya umabot sa jackpot round. Okey na rin naman ‘yun na may nakuha na siyang malaking halaga. Sa mga susunod na episode ng Maritest segment ay magiging P75,000 na ang jackpot prize.

Ugaliin ninyong manood ng LOL at hindi lang sa kanilang Marites segment kayo mag-i-enjoy. Lahat ng segment nila ay magaganda at talagang pinag-isipan. 

Salamat kay Pao Mendoza, ang talent coordinator ng noontime show sa pag-imbita sa amin para maging bahagi ng Maritest segment.