Naaktohang nagsesesyon <br> 2 MANGINGISDA ARESTADO SA SHABU

KULONG ang dalawang lalaki na naaktohang nagsa-shabu sa loob ng isang kubo sa Navotas City, kamakalawa ng gabi.

Kinilala ni Northern NCR MARPSTA Chief P/Maj. Randy Ludovice ang naarestong mga suspek na sina Ricardo Bueno, 47 anyos, mangisngisda ng Block 1 Lot 39 Squater Area NFPC, Brgy. NBBN; at Ruben Bordaje, 50 anyos, fish worker, ng NFPC Brgy. NBBS.

Ayon kay P/CMSgt. Richard Denopol, habang nagsasagwa ng patrol operation ang mga tauhan ng MARPSTA sa pangunguna ni P/Capt. Luisito Balatico sa ilalim ng pangangasiwa ni P/Col. Oliver Tanseco sa Navotas Fish Port Complex, Brgy. NBBN, napansin nila ang mga suspek na sumisinghot ng shabu sa loob ng isang nakabukas na kubo.

Nang lapitan nina Pat. Ecequiel at Pat. Samboy Pandi ay hindi na nakapalag ang mga suspek nang magpakilala silang mga pulis saka dinakip ang dalawang suspek.

Nakuha sa mga suspek ang isang transparent plastic sachet na naglalaman ng hinihinalang shabu, nasa P200 ang halaga, at ilang drug paraphernalia. (ROMMEL SALES)