HATAW! D'yaryo ng Bayan hatawtabloid.com
ALAM MO NA!
ni Nonie Nicasio
IPINAHAYAG ni Ahron Villena na nag-enjoy siya sa shooting ng pelikulang Bakas ni Yamashita.
Aniya, “Eto po ang una kong ginawa na action-adventure film, enjoy ako kasi magaan katrabaho iyong mga co-actors ko. Kakaibang Ahron ang makikila nila rito kaya dapat abangan.”
Pahabol pa ni Ahron, “Nag-enjoy ako dahil kahit malayo iyong lock-in shoot namin, everyday ako mayroong shoot, walang pahinga. Pero kapag rest day ng lahat, doon ako bumabawi ng pahinga.
“Sa totooo lang. nakakapagod din ang shooting namin, kasi puro takbo lahat, tapos action pa. Pero sobrang na-enjoy ko iyong experience rito.”
Ang Bakas ni Yamashita ay hatid ng White Eagle Films Productons. Ito ay isinulat ni Bill Velasco at mula sa pamamahala ni Direk Danni Ugali.
Sina Alfred Montero at Ahron ang tampok sa pelikulang ito.
Kasama rin sa casts ng Bakas ni Yamashita sina Dexter Doria, Lou Veloso, Archi Adamos, Angie Montero, Simon Ibarra, Toni Co, Joshua de Guzman, Christa Jocson, at iba pa.
Nabanggit din ng aktor na labis ang pasasalamat niya dahil kahit pandemic ay patuloy ang pagdating sa kanya ng mga proyekto.
“Sobra akong thankful, kasi kahit pandemic ay ang daming work na pumapasok. Since pagpasok ng year 2022, sunod sunod din ang pasok ng trabaho talaga, kaya sobra akong blessed talaga,” masayang wika pa ni Ahron.
Si Ahron ay mapapanood din sa seryeng Love in 40 Days, starring Loisa Andalio at Ronnie Alonte. Isa sa kontrabida ang role rito ng actor.
