HATAW! D'yaryo ng Bayan hatawtabloid.com
KALABOSO ang isang lalaking wanted sa kasong rape matapos masakote sa isinagawang manhunt operation ng pulisya sa Navotas City, kahapon ng umaga.
Kinilala ni Navotas City police chief Col. Dexter Ollaging ang naarestong akusado si Michael Dalmacio alyas Pipi, 30 anyos, residente sa S. Roldan St., Brgy., Tangos South ng nasabing lungsod.
Ayon kay Col. Ollaging, nakatanggap ang mga tauhan ng Navotas Police Warrant and Subpoena Section (WSS) ng impormasyon na nakita ang akusado sa kanilang lugar dahilan upang bumuo ng team para sa pag-aresto.
Dakong 10:35 am, agad nagsagawa ang mga tauhan ng Navotas Police Sub-Station 2, ng joint manhunt operation sa mga tauhan ng WSS at SS2 na nagresulta sa pagkakaaresto kay Dalmacio sa kanyang bahay.
Ani P/SSgt. Renato Panganiban, Jr., dinakip si Dalmacio sa bisa ng warrant of arrest na inisyu ni Hon. Cecilia B. Parallag, PresidingJudge, Regional Trial Court (RTC) Branch 9, Family Court, Navotas City sa kasong Rape.
Kasalukuyang nasa kustodiya ng Navotas Police ang naarestong akusado habang hinihintay ang issuance ng Commitment Order.
