HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
ISA si Jela Cuenca sa masuwerteng alaga ni Jojo Veloso na sunod-sunodat hindi nawawalan ng project sa Vivasimula nangipakilala kay Boss Vic del Rosario kaya naman hindi niya naramdaman ang epekto ng pandemic na tulad ng ibang nahirapan sa usaping pinansiyal.
Kuwento ni Jela sa digital media conference ng bagong handog ng Viva na mapapanood sa Vivamax simula May 7, ang Pusoy, hindi niya inakalang makakapag-artista siya.
“Then, nag-pandemic and nakilala ko ‘yung manager ko. Sobrang thankful ako na nakilala ko siya and of course, kay Boss Vic, sa Viva. Ang laki ng pasasalamat ko sa kanila. Kung wala sila, wala ako sa sitwasyon ko ngayon.
“And ayun, sobrang nakatataba ng puso, speechless. Kasi hindi ako masyadong nahirapan noong pandemic noong nakilala ko sila. Actually, hindi ko nga naramdaman na nahirapan ako.
“Kasi nga, ‘di ba, maraming tao ‘yung nahihirapan noong pandemic. But ako, parang napadali kasi si Boss Vic, ‘yung Viva, tinulungan talaga nila ako, binigyan agad nila ako ng project, and ayun, thank you so much,” tuloy-tuloy na paliwanag ni Jela na asawa ni Vince Rillon sa pelikula. Ang Pusoy ay kuwento ni ni Popoy (Vince Rillon), isang ambisyoso at batang bodyguard na nagtatrabaho sa isa sa pinaka-notorious na pasugalan na pag-aari ni Rodolfo (Baron Geisler), isang malupit na gambling lord, at mina-manage ni Xandra (Janelle Tee), isa sa mga babae ni Rodolfo.
Bukod sa Pusoy, nakasama rin si Jela sa Boy Bastos, Palitan, Taya, at Silip sa Apoy. Isa rin siya sa tinaguriang “VMX Crush” kasama sina AJ Raval at Angeli Khang na mga kapatid niya sa kuwadra ni Jojo.
Ang Pusoy ay idinirehe ni Philip Giordano at kasama rin dito sina Angeli at Janelle Tee.
