Matinee idol umungol lang sa kama ang alam

ni Ed de Leon

MAY bago na palang ka-fling ang dating matinee idol na hindi na sikat. Ito iyong gay politician na sira ang ngipin at dating nakarelasyon din ng isang male bold star na gumawa ng porno sa DVD. Noon hindi niya pinapansin ang gay politician. Marami  siyang pintas dahil sira raw ang ngipin. Eh noong iwanan na siya ng gay politician na malaki ang tiyan, doon din pala siya babagsak.

Kailangan niyang pumatol sa mga gay politician. Siya ang inaasahan ng pamilya niya. Kailangan din niyang sustentuhan kahit na paano ang bago niyang syota. Buti nga hindi na niya iniintindi masyado ang mga anak niya dahil mas madatung kaysa kanya ang nanay ng mga iyon.

Pero iyang laos na matinee idol, wala na nga talagang mapupuntahang career. Hindi naman kasi talaga marunong umarte, ang nalalaman lang daw niyang arte at doon siya magaling ay “ang umungol sa kama.” Kaya pala gusto siya ng mga gay politician. Iyang gay politician niyang iyan, pangatlo na iyan ha.