Nag-swimming nang lasing
60-ANYOS KAMBAL NA SENIOR CITIZENS NALUNOD, PATAY  

DALAWANG matandang lalaki ang nalunod sa dagat, nang magpasyang lumangoy kahit nakainom ng alak sa bahagi ng Brgy. Nibaliw Vidal, bayan ng San Fabian, sa lalawigan ng Pangasinan, nitong Martes, 19 Abril.

Kinilala ng pulisya ang mga biktimang 60-anyos kambal na sina Robaldo at Reynaldo Garbo, kapwa residente sa Brgy. Sta. Ines, bayan ng Manaoag, sa nabanggit na lalawigan.

Ayon sa ulat ng pulisya, isinalaysay ng isang kaanak ng mga biktima na parehong nakainom ng alak ang kambal nang magtungo sa dagat upang lumangoy ngunit tinangay sila ng malakas na alon.

Nagawang makuha ng kanilang mga kaanak ang kanilang mga katawan patungo sa dalampasigan ngunit pareho silang wala nang malay.

Tinangka ng mga rescuer na isalba ang buhay ng kambal ngunit bigo silang mailigtas ang mga biktima.

Dinala ng mga rescuer mula sa San Fabian LGU ang magkapatid sa Region I Medical Center ngunit idineklarang dead on arrival. (K. OROZCO)