HATAW! D'yaryo ng Bayan hatawtabloid.com
ALAM MO NA!
ni Nonie Nicasio
HUMAHATAW si Lester Paul at kaliwa’t kanan ang projects niya ngayon, plus, wagi pa siya ng iba’t ibang awards din.
Si Lester ay isang actor, singer, composer, at endorser. Siya ay recording artist ng Ivory Records na unang nakilala sa single niyang Pako o Pangarap Ko, na isang original komposisyon niya.
Kamakailan ay nanalo siyang Mr. World Noble King Philippines 2021 kaya siya ang kinatawan ng Filipinas sa Mr. Noble King International pageant na gaganapin dito sa bansa. Tumanggap din siya ng parangal recently bilang Viral Pageant King sa Okada, Manila.
Kasama rin si Lester sa kikilanin sa Manila’s Forbes Best Dressed List na gaganapin sa May 1 sa Diamond Ballroom ng Diamond Hotel.
Balik-acting na rin si Lester via Forever Yours ng PEPP’s TV, starring Inaki Torres, Adrian Solo, Ms. Faye Tangonan and a lot more, directed Carlo Morris Galang.
Matatandaang bago nagka-pandemic ay may mga pelikulang ginagawa si Lester ngunit nahinto ito dahil nga sa Covid 19.
Speaking of Covid 19, si Lester ay parte rin ng benefit show na Covid Out, Ate Gay In na tinatampukan ng talented at super-kuwelang komedyanteng si Ate Gay. Ito ay gaganapin sa Thursday, April 28, 8pm sa Music Box Timog, Quezon City at ang baneficiary ng show ay ang GRACES – Home for the Aged.
Special guest dito ni Ate Gay ang mga Vivamax stars na sina Sean de Guzman at Marco Gomez.
Ipinahayag ni Lester ang kagalakan na maging bahagi ng benefit show na ito.
“Siyempre po I’m blessed to be part of the concert, lalo na at may mapupuntahan yung pinaghirapan ng bawat isa. Kumbaga, nakapagpasaya ka na, nakatulong pa. Kaya happy ako na maging part ng Covid Out, Ate Gay In,” nakangiting wika ni Lester.
Ang show na mula sa TEAM (The Entertainment Arts & Media) ay pamamahalaan ni Obette Serrano. Mapapanood din dito sina Dax Martin, Regina Otis, EJ Salamante, Janah Zaplan, Erika Mae Salas, Jasmine Heart Domingo, at Yohan Gomez. May special number din dito sina Ms. Joyce Pilarsky at Marc Cubales.
Kabilang sa pinasasalamatang sponsors sina Ms. Emma Cordero, Centerstage Productions, Joed Serrano, Ms. Julie Defensor, Joyce Penas Pilarsky, BG Productions and PC Gooodheart ni Ms. Baby Go, Queen Eva’s Salon, Skin Light, Princess Revilla Foundation, at Beauty Lab. Nagpapasalamat din ang TEAM kay kapatid na Jobert Sucaldito.
Ang tickets, priced at P1,000 each, ay available sa entrance ng Music Box. For details, call or text Anne at 0956-960-6984 and Nonie at 0908-234-7688.
