HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
SI Direk Joel Lamangan ang nag-announce sa story conference ng bagong pagbibidahang pelikula ni Sean de Guzman, ang Fall Guy noong Linggo ng gabi ang ukol sa pagbibida ni Christine Bermas sa Scorpio Nights 3.
Nagulat kami sa announcement ni Direk Joel dahil ang alam namin, si AJ Raval ang magbibida rito sa sex-drama-suspense movie.
Ani Christine, hindi issue sa kanya kung second choice siya sa pelikulang ididirehe ni Lawrence Fajardo.
“Aware po ako na ibinigay ‘yung project kay AJ Raval. Aware po ako,” anito nang makausap namin after ng story conference.
Nasabi rin ni Christine na alam niya kung gaano ka-bold ang Scorpio Nights na unang pinagbidahan ni Anna Marie Gutierrez noong 1985 at nasundan noong 1999 ni Joyce Jimenez.
Aminado si Christine na may pressure sa kanya ang pag-remake ng Scorpio Nights. “Noong day pa lang na in-offer siya sa akin, pressured na pressured na ako!,” pag-amin nito pero natuwa raw siya. “Natuwa po ako, and honestly, medyo naging emotional. Sobrang thankful po ako na napunta sa akin ang project na ito.”
Napanood na ni Christine ang Scorpio Nights na ginawa nina Anna Marie at Joyce at aminado siyang kakaiba ang pelikulang gagawin niya. “Sobrang… sobrang parang… kakaiba siya. Grabe!”
At dahil sobrang bold ang Scorpio Nights, natanong ang dalaga kung wala bang magagalit o magbabawal na gawin ang mga maiinit na sex scenes dito?
“Ako, lahat kaya kong gawin. Lahat ng kailangang gawin sa movie, kaya ko,” giit ni Christine.
