AJ Raval ayaw nang magpa-sexy, tinanggihan ang Scorpio Nights 3

INAMIN ni AJ Raval na tinanggihan niyang gawin ang Scorpio Nights 3. Si AJ ang first choice ng Viva Filmspara i-remake ang pelikulang pinagbidahan nina Anna Marie Gutierrez noong 1985 at ni Joyce Jimenez noong 1999. 

Sa digital media conference ng Kaliwaan kahapon sa bagong pelikula ni AJ sa Viva na mapapanood sa April 29 sa Vivamax, inamin nitong tinanggihan nga niya ang Scorpio Nights 3 dahil gusto na niyang gumawa ng may katuturang pelikula. Ibig sabihin, kung maghuhubad siya iyon ay may katuturan. 

Aniya, “Kung nagawa po siya ng earlier, like this month, siguro sa akin pa rin po siya.

“Magagawa ko pa rin siya pero parang may goal ako this year, like kunwari po, June po, pasukan. Plan ko po is mag-enroll ako this year.

“Parang magla-lie low muna ako sa pagpapa-sexy. Mag-aaral din muna ako.”

Sinabi pa ni Aj na, “Nagbabawas na rin ako sa pagpapa-sexy. Napag-usapan na rin po namin ito ng manager ko, ng Viva actually. 

“Gusto ko talaga mg-action. Gusto ko rin po makuha ‘yung dream ko na mag-action,” paliwanag pa ng dalaga ni Jeric Raval.

Sa kabilang banda, tiniyak ni AJ na hindi ang Kaliwaan ang huling sexy movie niya.

“Magpapa-sexy pa rin ako, pero for now  parang magpapahinga muna ako sa pagpapa-sexy.

“Gusto ko ring magpaganda ng katawan. Gusto ko mag-work out para lalo akong maging confident sa pagpapa-sexy,” giit pa ni AJ.

Samantala, ang  Kaliwaan ay ididirehe ni Daniel Palacio at produced by internationally acclaimed at multi award-winning director na si Brillante Mendoza.  Kasama rito ni AJ sina Vince Rillon, Mark Anthony Fernandez, Denise Esteban, Felix Rocco, at Juami Gutierrez. (MVN)