HATAW! D'yaryo ng Bayan hatawtabloid.com
REHAS na bakal ang kinasadlakan ng isang mangingisda na nakuhaan ng baril at shabu nang sitahin ng mga pulis dahil walang suot na damit habang naglalakad sa Navotas City.
Kinilala ni Navotas City police chief, Col. Dexter Ollaging ang naarestong suspek na si Angelito Jaime alyas Guko, 20 anyos, (user/listed) ng B. Cruz St., Brgy. Tangos North.
Ayon kay Col. Ollaging, dakong 1:00 am, nagpapatrolya ang mga tauhan ng Navotas Police Sub-Station 2 sa ilalim ng pangangasiwa ni P/Lt. Genere Sanchez nang maispatan nila ang suspek na walang damit habang naglalakad sa A. Cruz St., Brgy. Tangos South.
Nang lapitan ng mga pulis, nakita nila ang isang improvised gun na nakasukbit sa bewang ng suspek dahilan upang arestohin ng mga parak.
Nakuha sa suspek ang improvised gun na may isang bala at isang transparent plastic sachet na naglalaman ng tinatayang nasa P2,040 halaga ng hinihinalang shabu.
Nahaharap ang mga suspek sa kasong paglabag sa RA 9165 at RA 10591 in relation to Omnibus Election Code of the Philippines.
(𝙍𝙊𝙈𝙈𝙀𝙇 𝙎𝘼𝙇𝙀𝙎)
