Ana kailangang ng PPO laban kay Kit

HATAWAN
ni Ed de Leon

SINABI ng sexy starlet na si Ana Jalandoni na pinagbantaan siya ng kanyang boyfriend na si Kit Thompson na papatayin siya kung siya ay makikipaghiwalay. Sinasabi nga ring dahil sa selos kaya palasiya inumbag nang ganoon. Lumabas din na bago nagkaroon ng umbagan, may banta na pala sa kanya na bubugbugin siya.

Siguro hindi naman inakala ni Ana na uumbagin siya nang todo kaya hindi niya pinansin, nakipagkita pa rin siya kaya siya naumbag.

Hindi namin alam kung ano ang kanilang gagawing pagkilos na legal pero ang unang dapat nilang gawin ay humingi ng permanent protection order na magbabawal kay Kit na lumapit sa kanya. Basta nilapitan siya ni Kit, maaari na niyang ipahuli iyon.

 Kung magkakasundo naman sila pagdating ng araw, maaari niyang maipa-lift ang permanent protection order, pero sa ngayon kung totoo nga ang sinasabi niyang may banta pa sa buhay niya, kailangan niya talaga ng PPO.