CEB Super Pass muling inihahandog ng Cebu Pacific
“BUY ALL YOU CAN, FLY WHEN YOU CAN” SA HALAGANG P99

BILANG bahagi ng isang buwang pagdiriwang ng ika-26 anibersaryo ng Cebu Pacific, muling inihahandog sa pangatlong pagkakataon ang CEB Super Pass, mula 21 hanggang 27 Marso. Sa patuloy na pagluwag ng travel restrictions dahil sa pagbaba ng bilang ng mga kaso ng CoVid-19 sa bansa, nakahanda ang Cebu Pacific upang tumugon sa mga ‘long-overdue travel plans’ ng mga Pinoy. Sa halagang P99 (one-way base fare), ibinibigay ng CEB Super Pass sa mga pasahero ang flexibility, convenience, at affordability sa muling pagbisita sa kanilang mga paboritong destinasyon sa bansa, o pagtuklas sa mga bagong lugar kahit kailan nila gustuhin mula 28 Marso 2022 hanggang 30 Abril 2023. Sa pangatlong pagkakataon, maaaring bumili ng kahit ilang CEB Super Pass kahit wala pang destinasyon at petsa ng biyahe. Maaaring i-redeem ang mga voucher 30 araw hanggang isang linggo bago ang nais na petsa ng biyahe. “Now that skies continue to clear, we are very happy to bring back this innovative product once again as we see everyJuan easing into making their travel plans a reality. These super flexible travel vouchers will allow friends and families to reconnect and rekindle the love for travel in a very affordable way,” pahayag ni Candice Iyog, Cebu Pacific Vice President for Marketing and Customer Experience. Maaaring ipambili ng VEB Super Pass ang laman ng mga Travel Funds. “We’ve received positive feedback from passengers that purchased the Pass before, and we look forward to enabling more Juans make those much-awaited trips happen,” dagdag ni Iyog. Maaaring bumili ng CEB Super Pass para sa inyong sarili o para sa inyong mga mahal sa buhay via Cebu Pacific website. Magtungo sa https://bit.ly/CEBSuperPass para sa karagdagang impormasyon. Unpause travel plans and make all those dreams SUPER PASS-ible! (KARLA OROZCO)