Angelica Panganiban buntis?

MA at PA
ni Rommel Placente

TOTOO kaya ang mga lumalabas na balita na buntis ngayon si Angelica Panganiban? At ang sinasabing ama ay ang foreign boyfriend niya na si Gregg Homan.

Masayang-masaya nga raw ngayon si Angelica na nasa interesting stage siya, dahil matutupad na ang matagal niyang pangarap na magkaanak.

Sa mga interview before sa mahusay na aktes, binanggit niya na gusto na niyang magka-baby. Pero at that time ay wala pa sa buhay niya ang kasalukuyan niyang boyfriend na si Gregg.

Walang project si Angelica ngayon sa ABS-CBN.  Baka aware naman ang Kapamilya Network na nagdadalang-tao siya kaya hindi siya binibigyan ng project.

Kung totoong buntis si Angelica, kapag babae ang magiging anak niya ay siguradong maganda. At kung lalaki naman ay gwapo. Maganda kasi siya, at gwapo naman si Gregg.