HATAW! D'yaryo ng Bayan hatawtabloid.com
BINATIKOS ng militanteng grupo ang Commission on Elections (Comelec) sa pagpapatupad ng Oplan Baklas, na lahat ng posters at streamers ng mga kandidato ay ipinatatanggal kahit na ito’y private property at may pahintulot ng may-ari.
Ayon kay Makabayan Senatorial Candidate Neri Colmenares hindi patas ang patakarang ito at taliwas sa regulasyong magkaroon ng pantay na laban sa halalan.
“The essence of these regulations allows the marginalized to participate in the most important democratic exercise in our country so that the people may elect deserving leaders,” ani Colmenares.
“Instead of letting people express their support, COMELEC has overreached through the takedown of campaign materials in private properties without due process,” giit ng dating kongresista.
Ani Colmenares, nakalinutan ng Comelec na ang mga posters na nakadikit sa campaign headquarters at mga pribadong lugar ay may pahintulot at parte ng malayang pagpapahayag na nakasaad sa saligang batas.
“Due process is missing with the unilateral takedown of these campaign materials. Like any other judicial process, there should be room for explanations on whether such material should be taken down or not before forcing their ‘baklas teams’ to enter private property, which can be considered trespassing,” paliwanag ni Colmenares.
Kaugnay nito, sinabi ni Colmenares, ang mga bagong patakaran ng Comelec ay sobrang mahigpit na pati donasyong nagkakahalaga ng P100 ay kinakailangang may affidavit of donation.
Pahirap, aniya, ang regulasyong ito para sa nga mahirap na kandidato na tumangap ng suporta mula sa ordinaryong tao.
“Kayang-kaya natin magkaroon ng maayos, malinis at patas na halalan kung ang mga regulasyon ay manghihikayat sa mga tao na makilahok sa sariling paraan sa mga iba’t ibang kampanya. Ang eleksiyon ay isang demokratikong ehersisyo ng ating karapatang pumili at sumuporta sa ating napupusuang mga lider, kaya nararapat lamang na hayaan silang ipahayag ang kani-kanilang suporta,” aniya. (GERRY BALDO)
