HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
MASAYA si Wilbert Ross na nabigyan siya ng pagkakataong magbida sa Boy Bastos ng Viva Films na mapapanood na sa February 18 at pinagbibidahan din nina Rose Van Ginkel, Jela Cuenca, Andrew Muhlach, Bob Jbelli, at Rob Guinto.
Ang Boy Bastos ay ukol sa Internet character na naging popular at kontrobersiyal noong 2007.
Sa title pa lang ng pelikula malinaw na kailangang maghubad ni Wilbert. Pero iginiit niyang hindi iyon ang talagang ibinebenta ng pelikula kundi ang istorya nito.
“Yung mga paghuhubad, may purpose iyon kung bakit ko ginawa, kaya walang rason para tanggihan ko ang ‘Boy Bastos.’
“Maganda ang script, maganda ang karakter, maganda lahat. ‘Yun ang mga dahilan kaya hindi ako nagdalawang-isip na tanggapin ito,” paliwanag ni Wilbert sa final virtual media conference ng pelikulang idinirehe ni Victor Villanueva.
Sinabi pa ng Hashtag member na nagustuhan niya ang kanyang karakter, si Felix Bacat Cabahug, isang mapusok at malikot na estudyante.
Si Felix ay binansagang “Boy Bastos” sa kanilang eskuwelahan. Isa siyang malib*g pero virgin na mahilig mag-drawing ng kabastusan sa kanyang notebook. Si Cathy (Jela) naman ay ang kanyang girlfriend na handang ibigay ang virginity sa kanyang nalalapit na birthday. Hindi niya talaga type si Cathy, kaya naman mahihirapan siyang ma-arouse nang subukan nilang mag-sex.
Makikilala naman ni Felix si Katey (Rose Van). Siya ang Substitute Teacher nila sa Biology, na nagkataong magiging housemate niya pala. Ipapaalala ni Katey na wala dapat makaalam sa campus na sa iisang bahay lang sila nakatira. Unti-unti ay mahuhulog ang loob ni Felix kay Katie na siyang magiging teacher niya sa life at sa sex 101.
Panoorin ang mga sexy at funny misadventures ni Felix. Kasama niya sa kalokohan ang kanyang mga kaibigan na sina Garfield (Andrew) at Layno (Bob) na gaya ni Felix, mahilig din sa porn at sa mga kalokohan.
Ang Boy Bastos ay gawa ni Villanueva, ang batang direktor na gumawa ng award-winning at cult-favorite na Patay na si Hesus.
Tumawa at makipagbastusan kay Boy Bastos sa February 18, streaming online sa VIVAMAX Philippines, Hong Kong, Taiwan, Thailand, Malaysia, Indonesia, Singapore, Japan, South Korea, Macao, Vietnam, Brunei, Maldives, Australia, New Zealand, the Middle East Europe, Canada at America.
