4 tulak ng shabu, nalambat sa Navotas

APAT na tulak ng ilegal na droga ang naaresto sa magkakahiwalay na buy bust operation ng pulisya sa Navotas City.

Batay sa ulat ni Navotas City police chief Col. Dexter Ollaging, dakong 1:50 am nang magsagawa ang mga operatiba ng Station Drug Enforcement Unit (SDEU) sa pangunguna ni P/Lt. Luis Rufo, Jr., ng buy bust operation sa Badeo 5, Brgy. San Roque.

Dito nagawang makaiskor ng P300 halaga ng shabu ang isang pulis na posuer buyer at kaagad na nasakote ang kanilang target na si Maribel Lacambra, 36 anyos (pusher/listed), at Redford Dela Cruz, alyas Empot’l, 33 anyos ng nasabing lugar.

Tinanggap ng mga suspek ang marked money mula sa police poseur-buyer kapalit ng isang plastic sachet ng shabu at makuha ang tinatayang 2.48 gramo ng hinihinalang shabu, may standard drug price na P16,846 at marked money.

Nauna rito, 11:20 pm nang madakma rin ng kabilang team ng SDEU sina Romeo Alvaro, 29 anyos, at Rolando Centeno, 53, sa buy bust operation sa Bagong Silang St., Brgy. San Jose.

Nakukha sa mga suspek, ang tinatayang nasa 1.2 grams ng hinihinalang shabu, may standard drug price (SDP) P8,160 at P500 marked money.

Nahaharap ang mga suspek sa kasong paglabag sa RA 9165 o ang Comprehensive Dangerous Drug Act of 2002. (ROMMEL SALES)