HATAW! D'yaryo ng Bayan hatawtabloid.com
NAARESTO ang isang suspek sa bias ng warrant of arrest, habang ang isa ay kapwa nasa listahan ng most wanted persons (MWPs) sa mga kasong carnapping sa Valenzuela City, kamakalawa ng hapon.
Kinilala ng mga awtoridad ang suspek na si Jerry Suarez, 27 anyos, residente ng Navarette St., Brgy. Arkong Bato ng nasabing lungsod.
Nauna rito, naaresto rin si Glen Iwayan, 25 anyos, sa arrest warrant, habang nasa loob ng custodial detention ng Obando Municipal Police Station, sa Obando, Bulacan.
Batay sa ulat ni Warrant and Subpoena Section (WSS) chief, P/Lt. Robin Santos, kapwa akusado sina Suarez at Iwayan, dahil sa mga kasong carnapping.
Ayon kay Substation 5 commander, P/Lt. Ronald Bautista, ang mga suspek ay kapwa may kasong scrapping parts of stolen motorcycles, at matapos nito ay ibenebenta o kaya ay pira-piraso itong ikinakabit sa iba’t ibang nakaw na motorsiklo.
Kapwa arestado ang suspek sa bisa ng warrant of arrest for violation of the New Anti-Carnapping Act of 2016 (RA 10883) na ipinalabas ni Presiding Judge Carl Badillo, Regional Trial Court Branch 102, Malolos City, Bulacan noong 31 Enero 2022. (ROMMEL SALES)
