Pagtawag ng Nay ni Lotlot kay Sandy ipinagpuputok ng butse ng Netizens

HATAWAN
ni Ed de Leon

KINAMPIHAN nina Boyet de Leon at Sandy Andolong si Lotlot de Leon laban sa mga basher na naninira sa kanya. Bina-bash na naman nang husto si Lotlot ngayon dahil sa hindi niya pagsipot sa reunion na binuo para sa mga anak-anakan ni Nora Aunor.

Pero ang mas nagulat kami at masasabi ring natuwa nang sagutin ni Lotlot ang depensa sa kanya ni Sandy at sinabi niyang, “salamat, Nay.” Maliwanag na kinikilala niyang parang second mother niya si Sandy na tama lang naman dahil adopted siya ni Boyet na kinikilala niyang ama, at ngayon nga si Sandy ang legal na asawa niyon.

Kahit na ano ang sabihin nila, tumatayo si Sandy bilang stepmother ni Lotlot at tama lang kilalanin niya iyon.

Kaso may mga tao raw lalo lang nagputok ang butse nang tawagin pa ni Lotlot si Sandy ng “Nay.”

Eh magputok man naman ang butse nila, ano magagawa nila?