Friday , January 28 2022

Sa unang araw ng election gun ban
RIDER TIKLO SA LAGUNA

DINAKIP ng mga awtoridad ang isang rider ng motorsiklo sa bayan ng Sta. Maria, sa lalawigan ng Laguna, nitong Linggo ng madaling araw, 9 Enero, dahil sa paglabag sa Omnibus Election Code provision na nagbabawal sa mga sibilyan na guma­mit at magdala ng baril sa panahon ng eleksiyon.

Ayon sa ulat ng PRO 4-A PNP, naharang ang magsasakang kinilalang si Alejandro Tampis, 51 anyos, sakay ng kanyang motorsiklo, sa isang police checkpoint sa Brgy. Jose P. Rizal, sa nabanggit na bayan, dakong 1:30 am, kahapon.

Nabatid nang kinukuha ng suspek ang kanyang lisensiya mula sa kanyang sling bag, napansin ng isang pulis ang handle ng baril sa loob.

Nakompiska ng mga awtoridad mula kay Tampis ang isang calibre.38 baril may kargang bala.

Bigong makapagpakita ng kaukulang dokumento ang suspek na nagbibigay sa kanya ng permisong magmay-ari at magdala ng baril sa panahon ng halalan.

Kasalukuyang nakapiit ang suspek na nahaharap sa kasong paglabag sa batas kaugnay sa pagmamay-ari ng baril at paglabag sa Omnibus Election Code of the Philippines.

About Micka Bautista

Check Also

electricity meralco

Ex-BM kumasa
GOV. SUAREZ, P4-M UTANG SA ELECTRIC COOP ‘DI BINABAYARAN

TINULIGSA ng isang dating Quezon 4th district board member si Gov. Danilo Suarez sa pag-iwas …

Pasay City Mayor Emi Calixto Rubiano, DILG, DOH, MMDA turnover ceremony of home care kits feat

Pasay City Mayor Emi Calixto Rubiano, DILG, DOH, MMDA turnover ceremony of home care kits

PINANGUNAHAN ni Pasay City Mayor Emi Calixto Rubiano, kasama ang mga opisyal ng Department of …

Pitmaster Foundation

Pitmaster Foundation muling namahagi ng P20-M homecare kits

MULING namahagi ang Pitmaster Foundation ang P20 milyong halaga ng homecare kits sa 17 local …

Manny Villar ABS-CBN

Broadcast frequencies ng ABS-CBN, ‘nasulot’ ni Villar

MALABO nang mabawi ng ABS-CBN ang kanilang prankisa sa susunod na administrasyon dahil ibinigay na …

Duterte, ‘maritess’ na pangulo — netizens

BUKOD sa tawag na lameduck, tinaguriang ‘Marites’ o taong mahilig sa tsismis si outgoing President …