HATAW! D'yaryo ng Bayan hatawtabloid.com
NILAGDAAN ng Las Piñas city government at ng Department of Agriculture (DA) ang isang memorandum of agreement (MOA) para sa paglulunsad ng Enhanced Kadiwa Inclusive Food Supply Chain Program na sumisiguro sa pagkakaroon ng pagkain at accessibility nito sa panahon ng pandemya at sa hinaharap.
Sinabi ni Las Piñas City Mayor Imelda Aguilar, sa ilalim ng kasunduan, ang DA ang magbibigay ng financial grant assistance sa mga kalipikadong organisasyon na lalahok at ang local government units (LGUs) upang mapagbuti ang kanilang kapasidad sa mga karagdagang makabuluhang aktibidad sa food supply chains mula sa aggregation, processing, packing, store, warehousing at transport hanggang sa distribusyon.
Inihayag ni Mayor Aguilar, ang proyekto sa ilalim ng kasunduan ay nakatuon sa implementasyon ng dalawang KADIWA Stores sa lungsod na layuning pondohan ang piling market vendors para sa renobasyon at pagsasaayos ng KADIWA store.
Bilang suporta sa proyekto, binigyang diin ng alkalde na i-download ng DA ang pondo sa lungsod na ipagkakaloob sa Pagsasarali Talipapa Multi-purpose Cooperative at ng Las Piñas Meat Dealers Association na parehong organisasyon na tatanggap ng tig- P1-milyon.
Ayon kay Mayor Aguilar, obljgasyon ng DA sa pamamagitan ng kanyang Agribusiness and Marketing Assistance Service (AMAS) na magkaloob ng financial grant sa lungsod na popondohan sa ilalim ng Market Development Services of FY 2021 General Appropriation Act 11518.
Sa panig ni Vice-Mayor April Aguilar, aniya ang DA financial grant’s fund ay gagamitin para sa implementasyon ng “Enhanced Kadiwa ni Ani at Kita Financial Grant Assistance Program” na ire-release o ilalabas nang buo alinsunod sa aprobadong panukalang proyekto gayondin sa work and financial plan na nakasaad sa kasunduan.
“On our side, the city’s obligation is to implement the approved project and shall see to it that it will be in accordance with the approved project objectives, standards, systems and procedures for project implementation, and the approved Work and Financial Plan contained in the agreement,” pahayag ni Vice-Mayor Aguilar.
Idinugtong ng bise alkalde, ang funding assistance ay manggagaling sa DA na ilalabas nang buo o ng tranches depende sa nature at pangangailangan ng proyekto.
NAGSAGAWA ng full-Scale Security Exercise sa NAIA terminal 3 ang Philippine National Police Aviation Security Unit NCR at pamunuan ng MIAA.
Naging makatotohanan ang eksena ang nangyaring shooting incident sa pagitan ng PNP Aviation Security Unit NCR at suspek na nagpupumilit na pumasok sa loob ng airport na may dalang bomba.
Isa ito sa mga senaryo na ginaganap na full-Scale Security Exercise sa NAIA terminal 3 kung saan isang shooting incident.
Ganun din ang Hostage taking ang tutukan ng mga awtoridad sa posibleng mangyari sa loob ng Paliparan.
Personal na tutukan ni PNP aviation Brigadier General Director Ismael Yu ang kahandaan ng mga tauhan ng PNP aviation at pamunuan ng MIAA sa maaring nangyaring terrorism incident sa loob ng airport.
Hindi na dapat maulit ang nangyari noong Disyembre 20 2013 ng tambangan ang isang alkalde ng Zamboanga del sur sa labas ng arrival area dito NAIA terminal 3.
Isa ito sa mga dahilan kung kayat nagsasanay ang mga tauhan ng PNP aviation at iba pang ahensya para maging handa sa anumang maging senaryo na mangyaring karahasan sa loob at labas ng Airport.
Sa isinagawang exercise naging parang totoo dahil organisado lahat ng mga senaryo na posibleng mangyari at tutugunan ng mga awtoridad at mga rescuer na tutulong sa mga biktima ng kaharasan sa loob ng airport.
