HATAW! D'yaryo ng Bayan hatawtabloid.com
MANILA — Sa gitna ng pag-iinit ng usapin ng halalan, maging ilang miyembro ng klerigo ay nahimok nang pumasok sa politika at nagbunsod para alisin sa kanilang tungkulin ng mga opisyal ng Simbahan ang tatlong paring nagdeklarang tatakbo sa nalalapit na eleksiyon sa Mayo ng susunod na taon, 2022.
Ayon sa Catholic Bishops Conference of the Philippines (CBCP), natanggap na nina Father Noli Alparce ng Sorsogon Diocese, Fr. Emergon Luego ng Tagum Diocese at Fr. Granwell Pitapit ng Libmanan Diocese ang kani-kanilang decree na nagpahayg ng desisyon ng Simbahan ukol sa kanilang paglahok sa halalan.
Naatasan ang mga obispo na sundin ang Canon law para umaksiyon laban sa tatlo bilang mga pari na pinagbabawalang gumanap ng serbisyo publiko o makilahok sa pagsasagawa ng civil power,” wika sa pahayag ng CBCP.
Isa umanong malungkot na pangyayari ang desisyong kumandidato ni Fr. Pitapit, punto ni Libmanan Bishop Jose Rojas.
“Father Granwell Pitapit decided to leave the priestly ministry and the priesthood for personal reasons,” paliwanag ni Bishop Rojas sa liham sa mga mananampalataya.
“Consequently, this decision to enter politics means his priestly functions are hereby revoked. This is deemed irreversible, thus preventing him from returning to the priestly ministry,” dagdag sa liham.
Inilinaw ni Father Alparce ng Sorsogon na naghain siya ng kanyang kandidatura bilang konsehal ng Albay makaraan ang mataimtim na panalangin.
Ayon naman kay Father Luego ng Tagum, tumakbo siyang alkalde ng bayan ng Mabini dahil ito umano ang naging desisyon niya matapos ang matagal na pagninilay-nilay para magkaroon ng pagbabago sa kanyang parokya at nasasakupan. (TRACY CABRERA)
