Joel Lamangan ayaw pakabog sa mga batang direktor

I-FLEX
ni Jun Nardo

AYAW pakabog ni Direk Joel Lamangan sa mga mas bata sa kanyang director na kaliwa’t kanan ang paggawa ng movies mapa-sinehan man ito o digital platform.

Ikinakasa na ang bagong movie na ididirehe ni Joel at sa October 22 na ang first shooting day ng latest movie niyang Walker mula sa panulat ni Troy Espiritu.

Ang baguhang production na New Sunrise Films ang producer nito at line producer si Dennis Evangelista.

Tampok sa Walker ang award-winning actor na sina Allen Dizon, Sunshine Dizon, Edgar Allan Guzman, Dave Bornea, Elora Espano, Jim Pebanco, Barbara Miguel, Dorothy Gilmore, Alexa San Agustine, Rico Barrera, Dincent Lucero, at Rita Avila.

Nang tanungin namin si Dennis kung handa na ba ang producers ng movie niya na magpalabas na sa mga sinehan, sagot niya, “Hopefully po.”

Sa totoo lang, may mga movie pa si direk Joel na natapos na at waiting na lang na maipalabas.