Saturday , December 4 2021
Sheree nude

Sheree, palaban magbuyangyang ng alindog sa nude painting

ALAM MO NA!
ni Nonie Nicasio

MARAMING pinagkakaabalahan ngayon ang talented na sexy actress na si Sheree. Una na rito ang gagawin niyang pagbabago sa kanyang YouTube Channel. Gagawin niya itong Sheree On Top at gusto niyang mas maging makabuluhan at kapaki-pakinabang sa marami ang content nito. Very soon ay may ilalabas din siyang bagong single.

Sa mga hindi masyadong pamilyar, si Sheree ay mahusay na pole dancer, DJ, songwriter, at magaling na singer na first love talaga ng aktres. Ang isa pa sa tinutututukan niya ay ang pagpipinta. Sa ngayon ay naghahanda si Sheree sa kanyang series of art exhibits.

Katatapos lang din gawin ni Sheree ang pelikulang Deception, starring Claudine Barretto at Mark Anthony Fernandez, directed by Joel Lamangan.  

Kuwento ni Sheree, “Comeback movie nila ito at ang role ko roon ay bestfriend ni Claudine. Actually, ang ganda ng istorya and happy ako, super… na nakatrabaho ko ulit si Direk Joel. Tapos happy pa ako kasi one take, one take ako lagi, hahaha!”

Inusisa rin namin siya kung bakit naka-nude habang pagpe-paint, gaya ng post niya sa kanyang FB? Esplika ni Sheree, “Masayang mag-paint… kasi na-inspire ako, dahil naisip ko lang, ano ba ang difference ko sa ibang painters? Siyempre kapag nagpe-paint ako, ayaw kong masyadong nagdadamit. Kasi nadudumihan ang mga damit ko, hahaha!

“So ang ginagawa ko, usually nagtwo-two piece ako or nag-i-skimpy clothes or ano… Tapos naisip ko lang, bakit hindi natin gawing parang, My body, my art?

Kasi, ang daming gustong mag-paint sa akin ng nude, pero wala pa akong napupusuan. Kasi, ako mismo ang nagpe-paint sa mga artist ng nude, so alam ko iyong pagod na pinagdaraanan nila, nakikita ko iyong effort. So, parang for me to do that, kailangan ay worth it talaga.”

Incidentally, this Saturday, 4pm ay mulingmapapanood si Sheree sa Wish Ko Lang ng GMA-7 sa episode na pinamagatang Lihim Sa Loob Ng Cabinet.Bukod kay Sheree, tampok dito sina Jennica Garcia, Rafael Rosell, Tess Antonio, at Kyle Ocampo, mula sa pamamahala ni Direk Jojo Nadela.

“Masaya ako dahil nakabalik ako for another episode at masaya ako na nag-rate ‘yung last episode namin. Sana ganoon din ito, napakaganda ng istorya nito at intense ‘yung mga eksena ng bawat episode. Napakagaling ng writers ng Wish Ko Lang,” lahad ni Sheree.

Anong klaseng katrabaho sina Rafael at Jennica? “Masaya sila ka-work, very professional. Si Jennica ay very sensitive at that time, pero she managed to pull herself up. Medyo grabe, ang intense ng scenes. Si Rafael Rosell as always, very versatile actor. Kayang-kaya niya ‘yung switch ng character, such a good actor at napakagaan katrabaho. He is a gentleman, pati, would love to work with him again.

“Dahil sa episode na ito ipinasadya ko ‘yung hair ko from Hairshaft Salon. Kasi dapat wig, but I decided na ipa-color ang aking hair para mas makatotohanan,” masayang saad pa ni Sheree.

About Nonie Nicasio

Check Also

Klinton Start Aspire Magazine

Klinton Start cover ng Aspire Magazine, may serye pa sa ABS-CBN

MATABILni John Fontanilla HAPPY si Klinton Start dahil sa dami ng proyektong ginagawa niya ngayon. Bukod sa napili ito ng publisher …

Samantha Bernardo

Samantha ‘di nakasali sa MUP

MATABILni John Fontanilla SASALI pala sana ang Miss Grand International 2020 1st runner-up Samantha Bernardo sa 2021 Miss Universe Philippines.At kahit alam nito …

Jeyrick Sigmaton Carrot Man

Carrot Man Jeyrick wagi sa NY

RATED Rni Rommel Gonzales NI sa panaginip ay hindi inaasahan ni Jeyrick Sigmaton na magkakaroon siya ng isang international …

Miguel Tanfelix

Miguel ayaw sa babaeng maarte

RATED Rni Rommel Gonzales INILAHAD ni Voltes V: Legacy star Miguel Tanfelix ang nag-iisang ugali na ayaw sa isang babae sa …

Alden Richards, Jasmine Curtis-Smith, Tom Rodriguez, The World Between Us

Serye nina Alden, Tom, at Jasmine nasa GTV na

RATED Rni Rommel Gonzales HINDI mo ba napapanood ang The World Between Us sa GMA? Huwag mag-alala dahil mapapanood …