HATAW! D'yaryo ng Bayan hatawtabloid.com
SA LOOB ng anim na buwan simula noong Marso 2021, nakapaghatid na ng 10.6 milyong CoVid-19 vaccine doses sa iba’t ibang bahagi ng bansa, maituturing na milestone ng cargo delivery ng airline.
Sa nakaraang dalawang linggo, nailipad ng Cebu Pacific ang mga bakuna sa 19 mga lugar sa iba’t ibang mga lalawigan sa bansa: sa Bacolod, Butuan, Cagayan de Oro, Cebu, Cotabato, Davao, Dipolog, Dumaguete, General Santos, Iloilio, Kalibo, Legazpi, Ozamiz, Pagadian, Roxas, San Jose, Siargao, Tawi-Tawi, at Zamboanga.
Bukod sa mga nabanggit, kabilang din sa mga nahatiran ng Cebu Pacific ng CoVid-19 vaccines ang Bohol, Boracay, Cauayan, Masbate, Puerto Princesa, Tacloban, Tuguegarao, at Virac.
“We know how integral these vaccines are in safeguarding the health of Filipinos during the pandemic. That is why we are honored to assist the government in ensuring the safe delivery of these life-saving vaccines, and we look forward to carrying more across our widest domestic network,” pahayag ni Alex Reyes, Chief Strategy Officer ng Cebu Pacific.
Lahat ng bakuna ay naaayon sa safety standards at nakalagak sa mga temperature-specific container upang mapanatili ang bisa nito hanggang sa pagdating ng itinakdang vaccination sites.
Simula noong Abril 2021, mula China ay nakapagbiyahe ng higit sa 16.5 milyong vaccine doses patungong Filipinas.
Ang Cebu Pacific ay may gradong 7/7 stars mula sa airlineratings.com para sa CoVid-19 compliance dahil sa patuloy nitong pagpapatupad ng multi-layered approach para sa kaligtasan na naaayon sa global aviation standards.
Ang Cebu Pacific ang may pinakamalawak na domestic network sa bansa na mayroong 32 destinasyon, kabilang ang walo nitong biyaheng internasyonal.
Isa sa pinakabata sa buong mundo, kabilang sa 75-strong fleet nito ang dalawang ATR freighter at isang A330 freighter.
