HATAW! D'yaryo ng Bayan hatawtabloid.com
HATAWAN
ni Ed de Leon
SI Mang Angel Colmenares, iyong tatay ni Angel Locsin na hindi na talaga lumalabas ng bahay dahil 94 na at bulag pa, at nabakunahan na, pero hayun tinamaan ng Covid at kailangang isugod sa ospital.
Si Rayver Cruz, bakunado rin, pero tinamaan din ng Covid at nagbakasyon ng tatlong buwan.
Ang kasamahan naming si Ricky Lo at ang director na si Toto Natividad, bakunado pero namatay sa Covid. Hindi nga kaya mali ang ating ginagawang paglaban sa Covid? Kaysa itinatapon ang pera sa lockdown, bakit hindi gamitin ang pera para mas mapabuti ang facilities ng mga ospital at bayaran nang tama ang mga health worker para ang tinatamaan ng Covid ay mas maalagaan ng tama at gumaling, kaysa natatapon lamang ang pera sa kung saan-saan na nagiging dahilan pa ng corruption.
