HATAW! D'yaryo ng Bayan hatawtabloid.com
KASAMA si Rayver Cruz sa bakasyon ng pamilya Gutierrez sa Amerika na roon sila magpa-Paskong lahat.
Nalaman namin na pagkatapos ng kasal nina Lotlot De Leon at Fadi El Soury, naghahanda naman sila patungong Amerika kasama sina Janine at mga kaibigan. Balita namin ay lilipad ding pa-US sina Ramon Christopher kasama ang mga anak.
Tsika sa amin ng malapit sa pamilya Gutierrez, isinama ni Janine si Rayver para makasama nila sa Pasko, White Christmas ‘ika nga.
Wala namang problema sa pamilya Gutierrez si Rayver dahil sobrang botong-boto sa kanya ang lahat pati si Ms. Pilita Corrales na lola ni Janine na gustong-gusto ang aktor dahil nakilala siya noong bata pa.
“Hindi na rin naman kasi iba si Rayver sa pamilya nina Lotlot, sa katunayan love na love ni Lot si Rayver lahat ng family events nandoon si Rayver.”
At si Rayver din ang tumayong bestman sa nakaraang kasal dahil ang kapatid ni Fadi ay hindi nakarating.
Ang nakatatawa, sabi nina Rayver at Janine, hindi sila magdyowa, bestfriends lang daw.
Okay fine!
FACT SHEET
ni Reggee Bonoan
