Naghahanap ng Krystall Nature Herbs

Dear Sis Fely Guy Ong,

        Ako po si Belinda Poblete, 58 years old, tubong Silang, Cavite, pero ngayon po ay naninirahan na sa Bacoor.

Matagal na po ninyo akong tagatangkilik ng FGO Krystall herbal products. Kumbaga suking-suki na ninyo ako lalo na noong panahon na madalas akong nagpupunta sa Baclaran at laging nagsisimba sa Our Lady of Perpetual Help tuwing Miyerkoles.

Birthday nga pop ala ni Mama Mary ngayon, happy birthday po Mama Mary <3

Sa kasalukuyan po ay hindi ako lumalabas ng bahay, dahil mahigpit ang bilin ng aking mga anak. Stay at home. Huwag ilagay sa peligro ang sarili.

Gustong-gusto ko pong makabili ng Krystall Nature Herbs dahil naniniwala akong mahusay itong prevention laban sa CoVid-19. Naalala ko noong araw, kapag may sinisipon o inuubo, o ang pakiramdam ay tinatrangkaso, ‘yan po ang ipinaiinom ko sa kanila.

Ay talagang, tagaktak ang pawis pagkatapos nilang uminom ng Krystall Nature Herbs  at pagkatapos niyon ay parang nagdahilan lang ang masamang pakiramdam.

Ngayon pong may pandemic, saan po kaya ako puwedeng makabili ng Krystall Nature Herbs?

Sana po ay malaman ko agad.

Maraming, maraming salamat Sis Fely at nawa’y lagi kayong patnubayan ng Dakilang Maykapal.

Naghihintay,

BELINDA POBLETE

Bacoor, Cavite

Back to Basic
NATURE’S HEALING
ni Fely Guy Ong