Mangliwan diskalipikado sa T52 men’s 400-meters finals

TOKYO – Nadiskuwa­lipika si whellchair racer Jerrold Mangliwan sa T52 men’s 400-meters finals sa isang nakaka­pang­hi­nayang na performance sa Tokyo Paralympic Games athletics meet sa Japan National Stadium nung Biyernes.

Nakakadismaya ang finale ni Mangliwan na dapat ay nabura ang national record na one minute at .80 seconds sa pagpuwesto niya sa 5th  sa karerang napanalunan ni Japanese Tomoki Sato na may tiyempong 55.39 seconds para ma-upset ang defending American champion Martin Raymond ng US (55.99) , na nagkasya lang sa silver medal.

Ang Filipino bet na si Mangliwan ay nasaraduh­an ang lane ng isa sa kan­yang kalaban na nagresulta ng diskuwa­lipikasyon kasama si Isaiah Rigo ng US, na nakagawa rin ng parehong blunder,  ayon kay  national para athletic Joe  Deriada mula sa Manila pagkatapos ng karera.

“He (Mangliwan) crossed an inner lane of his rivals, and this caused Jerrold’s disqualification,” sabi ni  Deriada.

Kung wala sanang nangyaring diskuwal­ipikasyon, mabubura sana ni  Mangliwan ang 1:02.17 national record na ipinoste niya noong May sa World Para Athletics Grand Prix sa Nottwill, Switzerland sa larong sinuportahan ng Philippine Sports Commission.

Inaasahan na babawi ang tubong Tabuk, Kalinga sa pagsalang niya sa men’s 1,500-meter race at ang finals ay ilalarga sa susunod na araw.

Samantala, si Philippine Paralympic Committee president Mike Barredo kasama si IPC president Andrew Parsons, na nag-award ng medalya nung Huwebes sa men’s -49 kilogram division ng powerlifting at Tokyo Internatinal Forum.