HATAW! D'yaryo ng Bayan hatawtabloid.com
HATAWAN
ni Ed de Leon
PINUNA nina Agot Isidro, Enchong Dee at iba pang stars na mula sa oposisyon ang ginawang pagpapakasal ng isang babaeng government official na masyadong magarbo umano at mukhang hindi dapat na ginawa sa ganitong panahon ng pandemya. Isinali pa nila sa kanilang kritisismo na ang congresswoman ay kinatawan ng party list ng mga driver, na lubhang apektado ng pandemya at halos walang nakukuhang tulong mula sa gobyerno.
Iginiit nilang mali ang pagpapakita ng ganoong karangyaan sa panahong ito ng pandemya. Pero kung iisipin, wala tayong pakialam kung ano man ang gusto nilang gawin. Maaaring para sa kanila ay napakalaking bagay ng pagpapakasal kaya nagbuhos sila ng lahat ng paghahanda para roon. Pera naman nila iyon eh at wala tayong pakialam maliban kung masasabing may pera ng bayan doon.
May kumampi rin naman sa congresswoman na nagsabing, “bakit iyon ang pinakikialaman nila. Bakit hindi nila mapuna ang kasama nilang si Marian Rivera, na nagbirthday lang dalawang milyon daw ang damit? Dahil ba kapwa nila artista at dilawan ang asawa na gaya nila?”
