Cassy no-no sa maigsing buhok

Rated R
ni Rommel Gonzales

PAGKATAPOS ng highly-successful na First Yaya na gumanap siya bilang si Nina, bagong milestone sa career ni Cassy Legaspi na mapili bilang bagong Palmolive Girl.

At dahil produkto para sa buhok ang bago niyang ineendoso, tinanong namin si Cassy kung kaya ba niyang mag-eksperimento pagdating sa kanyang mahabang buhok. Kaya ba niyang magpagupit ng maigsi na tulad ng ginawa ng mommy niyang si Carmina Villaroel noong dalaga pa ito?

Rito namin napag-alamang hindi kaya ni Cassy na magpaigsi ng buhok!

“Parang ayoko po,” sabay hawak ni Cassy sa kanyang buhok habang natatawa. “Gusto ko pong palaging mahaba.”

Siguro pinakamaigsi na para sa kanya ay ang hanggang balikat.

“Siguro ‘pag may role na short [hair] pero hanggang dito lang,” sabay muwestra niya sa kanyang balikat.

“Hindi ko kaya eh, mahal ko talaga ‘yung buhok ko,” at muling tumawa ang Kapuso female youngstar. 

Sa buong buhay niya ay hanggang balikat lamang ang nasubukan niyang pinakamaigsing hairstyle.