Poging dancer nalaspag sa Japan

NOONG bumaba na ang popularidad ng kanilag dance group dito sa Pilipinas, ang Poging Dancer ay nagpaalam at sumama sa isang bagong grupo na nagpunta naman sa Japan. Dahil pogi nga, sumikat din siya bilang dancer sa club na napasukan doon.

Malaunan, para kumita nang mas malaki, nag-hosto. After all ang customers daw naman nila sa club na iyon kundi mayayamang matrona, mga hostess naman sa ibang clubs. Walang gay na customers ang club nila. Pero hindi pa sapat ang kinikita, kaya payag na rin siya sa “dohan” o nakikipagkita sa mga customer sa oras na sarado pa ang club, pero may bayad pa rin sa club iyon.

Ngayon daw, si pogi ay kilala na sa sideline, lumalabas na kasama ang customers at hindi lang bilang host o escort. Payag na rin siya sa “special service” sa kanyang mga nakaka-date. Ok naman, kaya lang laspag na siya. (Ed de Leon)