HATAW! D'yaryo ng Bayan hatawtabloid.com
DINAKIP ang 12 Chinese nationals dahil sa ilegal na operasyon ng online gambling nitong Biyernes sa Parañaque City.
Kinilala ang mga suspek na sina Ma Juan, 24; Chen Bung Hui, 34; Zheng Shi Feng, 27; Li Zhu Xing, 26; Wa Zhen, 30; Tong Chao Yun, 29; Ji Qing Laz, 22; Li Ling Yu Qi, 32; Yang Shu Qi, 24; Yu Zin, 32; Wang Shen, 20 at Li Wei, 22.
Base sa ulat na nakarating kay Southern Police District (SPD) director BGen. Jimili Macaraeg nitong Biyernes, nahuli ang mga suspek sa 50 Matthews St., Multinational Village, Brgy. Moonwalk, Parañaque City.
Sa nasabing lugar, naaktohan ang mga suspek na nagsasagawa ng ilegal na operasyon sa online gambling.
Sa bisa ng search warrant na inisyu ni Presiding Judge Noemi J. Balitaan, ng Parañaque City Regional Trial Court (RTC), Branch 258.
Bago ang pag-aresto, ayon kay Macaraeg, nakatanggap ng intelligence report ang kanyang mga tauhan hinggil sa mga dayuhang sangkot sa pamemeke umano ng credit card.
Dahilan upang mag-apply ng search warrant ang pulisya sa tanggapan ni Presiding Judge Balitaan, na agad naman inaprobahan, hanggang nagresulta sa pagkakaaresto sa nabanggit na mga dayuhan.
Nakompiska ng mga awtoridad ang laptop, computers, cellular phones, computers, cellular phones.
Ang mga suspek ay nahaharap sa kasong paglabag sa Republic Act 8484 (Access Devices Regulation Act of 1998) as amended by RA 11449.
(JAJA GARCIA)
