Yulo markado sa Olympics

MARKADO si gymnast Carlos Edriel Yulo ng kanyang mga makakalaban sa 2021 Tokyo Olympics na ilalarga sa Hulyo 23 hanggang Agosto 8 sa Japan.

Umugong ang panga­lan ni 21-year-old Yulo nang magkampeon sa men’s floor exercise sa FIG World Artistic Gymnastics Champion­ships sa Stuttgart, Germany noong 2019.

Paborito ni Yulo ang floor exercise at ito ang pinaghahandaan ng kan­yang mahigpit na makaka­tunggali sa quadrennial meet.

Pero ayon sa kanyang Japanese coach na si Munehiro Kugimiya ay may armas pa si Yulo na itinatago at pinagha­handaan din niya ng mabuti ang ibang events sa apparatus.

“But you know? he has two more favorite events,” wika ni Kugimiya.

Tiyak na aabangan ng kanyang mga tagahanga ang laban ni Yulo sa Tokyo Olympics.

Sa ngayon, doble ingat si Yulo upang hindi makapitan ng coronavirus (COVID-19). (ARABELA PRINCESS DAWA)