HATAW! D'yaryo ng Bayan hatawtabloid.com
LAGLAG sa mga awtoridad ang dalawang hinihinalang ‘tulak’ ng ilegal na droga sa Taguig City, Sabado ng gabi.
Kinilala ni Southern Police District (SPD) chief, BGen. Jimili Macaraeg ang mga suspek na sina Alicia Mano, 48 anyos, at Jery Tagigaya, 32, kapwa nakatira sa PNR Site, Western Bicutan sa nasabing lungsod.
Sa ulat, dakong 7:30 pm nitong Sabado nagsagawa ng buy bust operation ang mga tauhan ng Station Drug Enforcement Unit (SDEU) laban sa dalawang suspek sa PNR Site, Western Bicutan, Taguig City.
Nasamsam mula kina Mano at Tagigaya ang apat na pakete na naglalaman ng 15 gramo ng shabu na nagkakahalaga ng P102,000; P200 buy bust money at coin purse.
Kasong paglabag sa Comprehensive Dangerous Drugs Act of 2002 ang isasampa laban sa mga suspek sa Taguig Prosecutor’s Office.
Nasa custodial facility ng Taguig City Police ang dalawang suspek. (JAJA GARCIA)
