Alden & Jasmine’s serye posibleng bumalibag

HATAWAN
ni Ed de Leon

NAKITA namin iyong teaser ng serye nina Alden Richards at Jasmine Curtis-Smith, pero parang hindi kami kumbinsido sa nasabing trailer at kung kami nga ay hindi kumbinsido, tiyak na ang AlDub Nation na siyang pinakamalaking grupo ng fans ni Alden ay ayaw din diyan.

Kung maaasar pa sila na tila ginagawang love team sina Alden at Jasmine, aba puwedeng i-boycott din nila iyan kagaya ng ginawa nila sa sitcom ni Maine Mendoza noong i-guest si Arjo Atayde at hindi maikakailang bumalibag ang ratings niyon dahil sa boycott ng AlDub, kaya napikon pati iyong director ng sitcom eh.

Hindi natin maikakaila na ang pagbulusok ng popularidad pareho nina Alden at Maine ay noong gawin silang love team ng publiko, na sinakyan lang naman ng Eat Bulaga.

Nag-click si Alden kasama si Kathryn Bernardo, dahil hindi love team iyon. Alam nila na syota ni Daniel Padilla si Kathryn. Pero iyong gagawa sila ng bagong love team? Lambanog gusto ninyo?