HATAW! D'yaryo ng Bayan hatawtabloid.com
NAKATANGGAP ng ayuda ang may 556 benepisaryong senior citizens sa ginanap na pagdiriwang ng ika-123 Araw ng Kalayaan sa bayan ng San Marcelino, lalawigan ng Zambales, nitong Sabado, 12 Hunyo.
Namahagi ang Department of Social Welfare and Development Region 3 (DSWD 3) at Land Bank of the Philippines (LBP) sa pakikipagtulungan ng lokal na pamahalaan, sa pamamagitan ng Social Welfare Development Office at Senior Citizens Affairs Office, Unconditional Cash Transfer (UCT), LBP Cash Card na nagkakahalaga ng P3,600 bawat benepisaryo bilang tulong pinansiyal.
Makatatanggap din ang mga benepisaryo ng social pension ang mahihirap na senior citizens ng Department of Social Welfare and Development (DSWD).
Ginawang clustering at scheduled ang pamamahagi ng ayuda upang maiwasan ang pagdagsa ng mga tao at tiyaking maipatutupad ang tamang minimum health safety protocol.
Inisyatiba ng DSWD ang pamamahagi ng pinansiyal na tulong sa mahihirap na sambayanan sa pamamagitan ng Unconditional Cash Transfer program upang maibsan ang epekto ng pagtaas ng mga presyo ng bilihin na dulot ng Tax Reform for acceleration inclusion (TRAIN) law. (RAUL SUSCANO)
