Aktor nakompirma ang pagka-bading

WALA nang choice ang isang gay male star. Matapos niyang pumayag na lumabas na gay sa internet, para na niyang kinompirma ang matagal nang tsismis na siya ay bading.

Ang masakit, matapos iyon ay parang iniwan na siya ng mga dating kasama niya, na nakagawa naman agad ng ibang assignments, samantalang siya ay naiwan na sa pagti-Tik Tok.

Ewan kung hanggang kailan siya tatagal sa pagti-TikTok na lang at kumita na lang ng mga barya-barya sa mga ineendoso niyang maliliit na produkto. Kasi maski na iyong isang produkto na ineendoso niya nang husto ay hindi siya kinukuhang pormal na endorser talaga. Kasi nga mahina pa talaga ang batak niya.

Hindi namin alam, kasi ang totoo naman ay matanda na rin siya. (Ed de Leon)