HATAW! D'yaryo ng Bayan hatawtabloid.com
SHOOT sa kulungan ang isang mangingisda matapos makuhaan ng ilegal na droga sa Navotas City, kahapon ng madaling araw.
Kinilala ni Navotas City police Chief Col. Dexter Ollaging ang naarestong suspek na si Antonio Mendoza III, 23 anyos, residente sa R. Domingo St., Brgy. Tangos North.
Ayon kay Col. Ollaging, dakong 12:10 am nang magsagawa ang mga operatiba ng Station Drug Enforcement Unit (SDEU) sa pangunguna ni P/Lt. Genere Sanchez ng covert patrolling at anti-illegal drug monitoring sa kahabaan ng R. Domingo St., sa nasabing barangay.
Dito, naaresto ang suspek at nakuha sa kanya ang dalawang plastic sachets na naglalaman ng hinihinalang shabu na tinatayang nasa P2,720 ang halaga.
Mahaharap ang suspek sa kasong paglabag sa RA 9165 o ang Comprehensive Dangerous Drug Act of 2002. (ROMMEL SALES)
