HATAW! D'yaryo ng Bayan hatawtabloid.com
HATAWAN
ni Ed de Leon
TINGNAN mo nga naman kung ano ang nagagawa ng sobrang brainwashing at aaminin naming nagagamit nga ang media sa mga bagay na iyan. Ang tagal na panahon na pinaniwalaan ng mga tao na may relasyon iyang sina Maris Racal at Inigo Pascual. May sinasabing nagkaroon sila ng problema at nag-split nga, pero marami pa rin ang umasa na magkakabalikan sila. Hanggang sa nito ngang mga nakaraang araw, inamin na ni Maris ang kanilang relasyon ni Rico Blanco.
Naniniwala kami sa relasyong iyan, kasi walang ibang dahilan eh. Noong iginigiit nila ang relasyon nina Maris at Inigo, may binubuo silang love team na inaasahan nilang magugustuhan ng publiko at natural magiging hit ang mga proyekto at pagkakakitaan na naman.
Pero ewan kung bakit nga ba sa lakas ng impluwensiya noon ng ABS-CBN, hindi kinagat ng mga tao ang love team. May nagsasabi ngang siguro kasi hindi naman tipong matinee idol talaga si Inigo. Wala sa kanya iyong charm ng isang matinee idol kaya hindi niya nabuhat ang love team nila ni Maris. Iyang love team na simula, depende iyan sa lakas ng batak ng lalaki. Siguro roon nga nagkulang. Baka nga mas ok pa kung sinubukan na lang nilang i-build up si Inigo bilang solo artist at
anak ni Piolo, kaysa binigyan pa nila ng love team.
Ngayon mukhang masayang-masaya si Maris sa relasyon nila ni Rico. Hindi nga hadlang ang malaking agwat ng kanilang mga edad sa kanilang pagmamahalan. Bakit nga ba, napipili ba base sa edad kung sino ang magpapatibok sa puso ng isang tao? At saka sa totoo lang, maraming mga babae ang naghahanap ng mga boyfriend na mas matured kaysa kanila.
Kung mas may edad ang boyfriend, mas mapagpapasen siyahan niya ang kanyang girlfriend kaysa mas bata ang lalaki o kaya ay magkasing edad lamang.
Palagay naman namin walang naging objections ang pamilya ni Maris o maging ang pamilya ni Rico sa kanilang relasyon, at iyan ay magandang simula. Naniniwala kaming magtatagal na ang kanilang relasyon at mas mabuti nga siguro kung magkakatuluyan na silang dalawa.
