Friday , April 4 2025
road accident

21-anyos Rider nagulungan ng trak todas

HINDI nakaligtas ang isang 21-anyos na rider nang magulungan ng isang truck na nawalan ng kontrol sa minamanehong motorsiklo sa Caloocan city, kamakalawa ng gabi.

Patay agad ang bikti­mang kinilalang si Joseph Hilario, residente sa 1269 Bambang St., Tondo sanhi ng pinsala sa ulo at kata­wan.

Habang ang driver ng Hino Truck, may plakang NAW-4677, kinilalang si Jumar Mariñas, 45 anyos, residente sa Turo, Bocaue, Bulacan ay naaresto ni Pat. Robinson Oya ng Caloocan Police Sub-Station 2.

Batay sa ulat ni traffic investigator P/Cpl. Jomar Panigbatan, dakong 9:30 pm, kapwa tinatahak ni Hilario, sakay ng kanyang motorsiklo at ng truck na minamaneho ni Mariñas ang Rizal Avenue patu­ngong Maynila nang bigla umanong mawalan ng kontrol ang rider.

Pagdating sa 1st Avenue, bumagsak sa kalsada si Hilario, sa bahagi ng Brgy. 39, at doon nagulungan ng parating na truck na minamaneho ni Mariñas.

Sinampahan ng pulisya si Mariñas ng kasong reckless imprudence resulting in homicide sa Caloocan City Prosecutor’s Office.

(ROMMEL SALES)

About Rommel Sales

Check Also

MNL City Run Presents Elorde The Flash Run 2025 – Run Like A Champ FEAT

MNL City Run Presents: Elorde The Flash Run 2025 – Run Like A Champ

Unleash Your Inner Champion, Run for a Cause! Get ready to lace up, push your …

NAITAS DOT magkaakibat para sa Takbo Para Sa Turismo

NAITAS, DOT magkaakibat para sa “Takbo Para Sa Turismo”

ANG National Association of Independent Travel Agencies (NAITAS) at ang Department of Tourism (DOT) ay …

Anne Curtis Bam Aquino

Kandidatura ni Aquino ‘binasbasan’ ng ‘Diyosang’ si Anne nang makita sa NAIA

PERSONAL na naipaabot ni Anne Curtis (matapos magpahayag sa X, dating Twitter), ang pagsuporta kay dating Senador at independent …

Padre Burgos Ave Ermita Manila Road Accident

Sa Ermita, Maynila
4 sugatan sa bangaan ng mga sasakyan

SUGATAN ang apat na indibiduwal matapos masangkot sa insidente ng banggaan ang ilang mga sasakyan …

Rosales Pangasinan Fire Sunog

Sa Rosales, Pangasinan
INA, 10-ANYOS PIPI-BINGING ANAK PATAY SA SUNOG MULA SA POSTE NG KORYENTE

ISANG 30-anyos ina at 10-anyos anak na babaeng pipi at bingi ang namatay sa sunog …

Leave a Reply

Your email address will not be published. Required fields are marked *