Sunday , April 20 2025

‘Terror list’ ng ATC ilalabas ngayon

ISASAPUBLIKO ng Anti-Terrorism Council (ATC) ngayon ang listahan ng mga pangalan ng mga indibiduwal na itinuturing ng gobyerno bilang terorista.
 
Inihayag ito kahapon ni National Security Adviser Hermogenes Esperon, Jr., sa kanyang pagharap sa oral arguments sa Korte Suprema kaugnay ng mga petisyong ipawalang bisa ang Anti-Terrorism Act ( ATA).
 
“There is a resolution of the Anti-Terrorism Council but until we have published this in local papers we will not name them publicly,” sagot ni Esperon sa tanong ni Associate Justice Rosmari Carandang kaugnay sa mga pinaghihinalaang terorista.
 
“Tomorrow they will come out in the papers,” giit niya.
 
Nakasaad sa implementing rules and regulations ng ATA na maglalabas ng resolution ang ATC na tutukoy sa mga indibidwal o mga grupo bilang mga terorista na ilalathala sa website ng council, sa Official Gazette, at sa isang national newspaper.
 
Umani ng batikos ang nasabing probisyon at tinagurian itong “mother of all red-tagging” o pag-uugnay sa mga tao at grupo sa kilusang komunista.
 
May ilang pagkakataon na pinatay ang mga aktibista at human rights worker sa bansa matapos ma-red-tag.
 
Sa ilang pagharap ng mga kinatawan ng Office of the Solicitor General sa oral arguments, itinanggi na sangkot sa red-tagging ang pamahalaan.
 
Ngunit ilang beses nang binatikos ang National Task Force to End Local Communist Armed Conflict (NTF-ELCAC) dahil sa red-tagging at ang pinakahuli ay kay community pantry organizer Ana Patricia Non na ikinagalit ng iba’t ibang sektor at maging ng mga senador. (ROSE NOVENARIO)

About Rose Novenario

Check Also

Sarah Discaya

Walang Katotohanan sa Umano’y Pang-aabuso sa PWD sa Pasig

ISANG residente ng Lungsod ng Pasig na lumahok sa pamamahagi ng bigas—kung saan na-interview ang …

Imelda Aguilar Dalia Varde Khattab

Pambato ng Las Piñas sa 2025 Binibining Pilipinas bumisita kay Mayor Aguilar

MALUGOD na tinanggap ni Mayor Imelda “Mel” Aguilar sa kanyang tanggapan ang 21-anyos Filipino-Egyptian actress …

SV Sam Verzosa Wilson Lee Flores

Sam Verzosa handang makipagharap kay Isko Moreno sa isang matalinong debate

SHOWBIZ KONEKni Maricris Valdez HANDANG-HANDA si Manila Mayoralty candidate Sam Verzosa, sakaling anyayahan siya para sa …

Ortigas Malls

Ortigas Malls engrandeng pagsalubong sa Easter Sunday magaganap

NAGLABAS ng Holy Week mall hours ang Ortigas Malls para sa mallgoers, bilang paggunita sa …

FPJ Panday Bayanihan Partylist, 500,000 Signatures tinanggap mula sa Volunteer Movement

FPJ Panday Bayanihan Partylist, 500,000 Signatures tinanggap mula sa Volunteer Movement

NAKAMIT ng FPJ Panday Bayanihan Partylist ang matatag na suporta mula sa publiko sa pamamagitan …

Leave a Reply

Your email address will not be published. Required fields are marked *