HATAW! D'yaryo ng Bayan hatawtabloid.com
Kinalap ni Tracy Cabrera
MAKATI CITY, METRO MANILA — Umani ng papuri ang mga kabataang filmmaker na nasa likod ng dokumentaryong Sa Layag ng Bangkang Paurong mula kay Metropolitan Manila Development Authority (MMDA) chairman Benhur Abalos matapos mapanalunan ang Best International Documentary Film award sa Fresh International Film Festival kamakailan sa Limerick, Ireland.
Ayon kay Abalos, mas maipagmamalaki niya pa ang mga nagsipagwagi sa dahilang ang mga estudyanteng lumikha ng pamosong short film ay kabahagi din sa student short film caravan ng Metro Manila Film Fest (MMFF), na pinangangasiwaan ng MMDA at Metro Manila Council (MMC) sa pamumuno ni Parañaque City mayor Edwin Olivares.
Layunin ng MMFF, kanyang ipinunto, na makapagbigay sa mga estudyante ng oportunidad na makapag-aral mula sa mga kilalang filmmaker ukol sa basics ng filmmaking, cinematography, scriptwriting, acting, directing techniques, viability considerations sa paggawa ng mga pelikula at iba pang mga aspekto ng filmmaking.
“I want to congratulate the students from Alaminos City National High School in Pangasinan who created this award-winning film. They are proof that Filipino-made films are world-class,” wika ni Abalos, na kasalukuyang MMFF chairman.
“The future of our local film industry looks very promising in the hands of our young filmmakers. And the MMFF is committed to help in honing their skills on movie making,” dagdag ni Abalos habang hinimok ang marami pang mga student filmmaker na lumahok sa MMFF Student Caravan na magiging available online ngayong taon.
“Through the student short film competition, we give chance to our young filmmakers to have their works be seen by bigger audiences by pairing it together with full-length films,” inilinaw ng chairman ng MMDA.
Inihayag din niya na ang MMFF ay naghahanda ng Student Short Film Handbook parta ipagkaloob sa mga interesadong estudyante na may mga general insight sa mga aesthetic at technical demand ng filmmaking.
“We wish to see a new generation of filmmakers, exploring fresh ideas and stories worth-telling that will capture the hearts not just of Filipinos here and abroad, but also of the international film industry,” aniya.
